Azkoitia
izan da Industrialdeak egitasmoan sartzen aurrenetakoa eta egitasmo
horrek dakartzan abantailak beste inork baino hobeto bereganatzen
jakin izan du.
Industriarako lurrari lehentasuna ematearen alde egin da eta emaitzek
garbi agertzen dute egindako apostu horrek zernolako ondorioak eman
dituen.
27.000 m², moduluka antolatzeko moduko pabilioiak, 39 enpresa jadanik
lanean (horietatik erdiak baino gehiago sortu berriak) eta sortu diren
400 lanpostutik gora, horiek dira lortutakoaren lekukorik egokienak.
Garai batean ia sektore bakarrera mugatua zegoen industria-jarduera
gaur egun zabaldu egin da beste hainbat sektoretara ere eta hor ditugu
emaitzak: bero-tratamendua, galdaragintza, mekanizaketa-lanak, metalaren
eta aluminioaren arozgintza, industria-automatizazioak, galbanizatu-tratamenduak.
Hauekin batera, zerbitzu arloko enpresak ere sortu dira gurean: gozogintza
industriala, argazkigintza, paperaren manipulatua, informatika-tresnak
eta abar.
Bestalde, Juin Industrialdean dauden 11.200 m² baino gehiago gaur
egun erabat beteak daude.
Horrez gain, Basarte poligonoan dagoen industrialdean 10.000 m²tik
gora industria-lur sortu dira, enpresa txiki eta ertainak egiten ari
ziren eskariei erantzuteko.
Adierazi berri dugun guztiaren ondorioz, guztira 50.000 m² sortu dira
egitasmo honen bidetik 15 urtera iristen ez den epean, 10.000 biztanle
baino zertxobait gehiago dituen herri batean.
Elgoibar aldera doan bidearen bidez A-8 autopistarekin duen loturari
esker, industriak jartzeko aukera oso erakargarria da.
ARGIBIDEAK:
Tel.: 943 72 47 66
Faxa: 943 85 19 40
Industriaren jarduera: Azkoitia industriari
lotutako herria da funtsean eta altzairua egin eta eraldatzearekin
zerikusia duten enpresak dira nagusi (hau da, fundizioak eta altzairutegiak),
makina-erraminta eta ekipo mekanikoak egiten diharduen sektore
garrantzitsuarekin batera. Neurri apalagoan, badira elikadura arloan, zurgintzan
eta arte grafikoetan aritzen diren enpresak ere. Hauek horrela, nagusiki
bigarren sektorean diharduen biztanleria du eta herrian lantegi txikia
eta ertaina da nagusi. Bestalde, zerbitzuen sektorea ere indartzen
ari da, batik bat merkataritza arlokoa. Abelazkuntzan eta nekazaritzan
diharduten herritarren kopurua beste sektoreetakoa baino txikiagoa
da eta baserrietan kokatzen da, sarritan nekazaritza eta industriako
jarduera elkartuz. 1997. urteko ehunekoak aztertuz gero, herritarren
%2k dihardu lehenengo sektorean, %60k bigarren sektorean eta %32k
hirugarren sektorean. Langabezian, berriz, biztanleria aktiboaren
%8a dago.
