Betearazpen-fase hauetan, zumardian balio anitzeko hainbat espazio jarri nahi dira; hauek hain zuzen ere:

1.- 40 x 20 m-ko plaza bat, zaindariaren jaietan barrakak eta zaldiko-maldikoak jartzeko.

2.- Haurrentzako jolas-gune bat, egonleku-eremuan, eta horren inguruan landare-mailak eta iturri bat jarriko dira.

3.- Hainbat jarduera soziokultural egiteko kiosko bat eraikiko da. Kiosko hori plazaren eta haurren jolas-gunearen arteko lotura-eremua izango da. Kioskoaren behealdeko gunean kafetegi bat jarriko da, ekialderantz begira, eta horrela, haurren jolas-guneari bizia emango dio.

Bigarren fase honetan, bi zirkulazio-bideak amaituko dira, Juin Txikiko errotondaraino; horiek espaloi perimetralak izango dituzte eta lehenengo fasean egindako bidegorria (liburutegi ingurukoa) Malak-Calderón tartearekin lotuko due.

III. FASEA: eremu bat, 110 m luze eta 24 m zabal. Trenbidearen Zumardiko azkenengo bi etxe-blokeen parean egingo da, eta bertan, berdegune bat egiteko asmoa dago, eta hainbat espezietako landareak landatuko dira.