Irisbide horrek espaloi zabala izango du Ibai Ondo kaletik, Olinpia etxearen eta argazkian agertzen den etxearen artetik San Martin mendiskaren magaleraino. Han enparantza zabal bat egingo da eta bertan igogailua eta eskilara berriak.

Horretarako gaur egun San Martinera iristeko dauden eskilara zaharrak eta garaje txikia (argazkian ikus daitezkeenak) bota egingo dira eta trenbidearen mailaraino jaitsiko dira. Igogailuak 17 metro izango ditu altuan eta ekipamendu soziokultural berrirako sarbideak izango ditu lehenengo bi solairuetan eta azkenengo solairua, berriz, San Martinera iritsiko da, Balda kaletik.