Joan den abenduaren 11n Udalbatza Osoak egin zuen bilkuran onartu zen Azkoitiko herrirako irisgarritasun plana. Plan edo egitasmo horrek hainbat urte iraungo du eta aldaketak ekarriko ditu kale, udal eraikin, garraio eta herriko guneetara. Hori guztia, Azkoitia irisgarriagoa izan dadin herritarrentzat eta, batik bat, beharrik handiena dutenentzat. Irisgarritasun plana epe luzeko proiektua dugu eta berau aurrera eramateko aurreneko erabakia bost urteko plana prestatzea izan da. Gainera, plan hau lau ataletan banatu da eta atal bakoitzari denbora bat dagokio. Udala aurten hasi da aurreneko atalari ekiten eta horretarako 256.937,57 € aurreikusi ditu. Ondoren atal bakoitzaren epea, burutuko diren lanak, eta aurrekontua azalduko dira. 1. ATALA Aurten hasi eta bi urteko iraupena du atal honek. Denbora honetan lan hauek egingo dira: Kale Nagusia egokitu, Musika Eskolako sarrerak konpondu, liburutegian igogailua jarri, Udaletxeko senalizazioa berritu eta autobus geltokia eta erreserbatutako aparkalekuak egokitu. Aurrekontua: 256.973,57 € 2. ATALA 2006an ekingo zaio bigarren atal honi eta urtebeteko epea izango du. Denbora honetan herriko gune hauek egokituko dira: Aizkibel kalea, Balda plaza, Estrada kalea, Ignazio Iriarte margolaria kalea, Kale Nagusiko beste zati bat, Eliz atariko zubia, Jesusen Bihotz Agurgarriaren plaza, Udaletxeko komunak, Gurea pilotalekuko komunak, Zubi Aurre kiroldegiko komunak, Kultur etxeko eta jubilatuen komunak, I.M.I.ko sarrera, Iraurgi Lantzeneko sarrera, San Jose egoitzako sarrera eta Musika Eskolako komunak Aurrekontua: 255.647,31 € 3. ATALA 2007an burutuko diren lanei dagokion atala da eta bertan berritu eta egokituko diren guneak hauek dira: Ibai Ondo kalea, Ikurrrinaren plaza, Izarraitz kalea, Klara Donea kalea, Julio Urkixoko zubia, Herriko Enparantza, Musika Eskolako parkea, Aizkibel liburutegiko komunak, Kultur etxeko eta Jubilatuen gunea, Baztartxo antzokia, Iraurgi Lantzeneko komunak eta Udaletxea. Aurrekontua: 239.538,44 € 4. ATALA 2008an gauzatuko da plan honen azkeneko atala. Oraingo honetan herriko kale eta eraikuntza hauek hobetuko dira: Aingeru kalea, Bizkargi kalea, Julio Urkixo kalea, Kale Nagusia, Anbulatorioko zubia, Aizkibel liburutegia (gelditzen dena), I.M.I. (gelditzen dena), Gurea pilotalekua, Zubi Aurre polikiroldegia (gelditzen dena) eta San Jose egoitzaren komunak. Aurrekontua: 247.978,91 € Behin lau ataletan banatutako lehenengo Egitasmoa burututakoan, bigarren irisgarritasun-planerako proposatutako lan eta egokitzapenak gauzatu ahal izango dira. Egitasmo berri honek beste hainbat lan-interbentzio izango lituzke, Lehenengo irisgarritasun-plan honetan egin beharreko lanak bukatu ondoren egitekoak. Lehenengo irisgarritasun-plan edo egitasmo hau 5 urtean egingo da.