| AZKOITIKO
herri-bideen azterketaren barruan, eta herri-elementuei dagokienez,
28 herri-elementu mota aztertu dira (txorko edo alkorkeak, 178
unitate; eserlekuak, 36 unit.; mutiloi edo bolardoak, 113 unit.;
oinezkoen pasabideak, 163 unit.; espaloiak, 422 m2; eskilarak,
100 m2...); guztira, beraz, 890 unitate.
Metodologia:
Herri-elementu batek irisgarritasun-baldintzak betetzen al dituen
erabakitzeko orduan bi parametro hartu ohi dira kontuan: kokalekua
eta diseinua. Bi alderdi hauen konbinazioak adieraziko digu
irisgarritasun aldetik zein eragin duen eta elementu horietan
egin beharreko interbentzioaren berri.
AZKOITIAN
irisgarritasunaren aldetik aurkitu diren arazoen artean oinezkoen
pasabideena da nabariena, herri-bideen irisgarritasun mailan
duen eraginagatik. Zenbaitetan espaloi-ertzak ez daude beheratuak
eta zenbait bidegurutzetan ez dago oinezkoentzako pasabiderik.
Irisgarritasun
arloan aurkitu den beste arazo garrantzitsuetako bat izan da
oinezkoen ibilirako jarria dagoen pasabide librea betetzeko
adinako zabalerarik ez dutela espaloiek. Arazo honi, sarri askotan,
hainbat elementu bertan egotea erantsi behar zaio: herri-altzariak,
halanola farolak, zuhaitzak, trafiko-seinaleak edo paperontziak,
pasabidearen zabalera hori are gehiago murrizten dutenak; ondorioz,
zenbaitetan kostu handiko lan-interbentzioak egin behar dira,
asumitzen errazak ez direnak.
Ondoren
aurkezten den taulan adieraziak datoz irisgarritasunaren aldetik,
eta duten kolakekua kontuan izanda, egin den azterketaren emaitza
orokorrak. Taula honetan jasoak datoz zuzendu beharreko herri-elementuak
eta haietan egin behar diren lanak.
|
 |
