“Azkoitiko Bidegorri Sarea”ren azterlanak sare hori hainbat zati edo ataletan banatzen zuen, Udalak, bere lehentasunen arabera, proposatutako zatiak egin zitzan.

Bidegorriaren lehenengo eta bigarren faseak Txiki-golfean hasten dira eta saihesbidearen zubipean, Juin Industrialdean, bukatzen.

Aurten emango zaio hasera sarearen hirugarren faseari. Lan horietan bidegorri horri jarraipena emango zaio eta Juin Berri poligonoaren atzeko alde guztia igaroko da, Julio Urkijoko zubira iritsi arte (Malac enpresatik Calderón-era arte).

Horrela, laster batean bidegorria izango dugu Txiki Golf-etik hasi eta Julio Urkijoko zubiraino, 2,5 metro zabaleko bide edo pista izango duena, bizikletentzako, balizatua eta oinezkoentzako pasabide-guneak adierazita.

- Aurrekontua: 83.418,11 €.

- Lanak egingo dituen etxea: Manuel Etxaide

- Arkitektua: Javier Puldain Huarte.