Handitze obrak egin aurretik Egoitzak 50 plaza zituen, beharko liratekeenak baino 16 plaza gutxiago. Horrez gain, zerbitzuari erabilera egokia emateak eskatzen zigun bere buruaz baliatzeko gai diren erabiltzaileei ere zabaltzea zerbitzu hori, irisgarritasun fisiko eta soziala hobetuz, eta beharrezko den gizarteratzea handituz eta horrek esan nahi du kanpoko espazioetan ere parte hartu behar zela.

Hau guztia kontuan hartuta, banakako 18 logela eta bi pertsonarentzako 6 apartamentu prestatu dira, besteren laguntza-behar txikia duten pertsona balidoentzat eta honela banatuko dira:

• Kristaldun elementu bat, handitze-lan berrien topagunea egituratzen duena. Komunikazio atalaren gunea eta behe-solairuko eta lehen solairuko zerbitzuak daude bertan. Lorategira irteera zuzena duen egongela edo areto bat ere badago. Honen gainean, lehenengo solairuan, terraza-solariuma dago.
• Egoitza eta apartamentu eraikin berria, hiru solairutan banatua.
  • Behe-solairuan, lorategiaren ondoan, erabilera anitzetarako gunea dago, ofizio eta jangela zerbitzu eta guzti. Bestaldean, banakako sei logela daude, bainugela eta guzti.
  • Lehenengo solairuan, banakako 12 logela, bainu eta guzti. Goitik beherako bao edo hutsarteak, balkonadaren gainean.
  • Bigarren solairuan, bi lagunentzako 6 apartamentu, erdiko pasabidera begira. Bestibulua, egongela-jangela eta sukaldea, bi lagunentzako logela eta bainu egokitua dituzte. Goitik beherako bao edo hutsarteak, balkonadaren gainean.

- Aurrekontua: 2.090.084,30 €, Eguneko Zentroaren aurrekontua barne dela.

- Lanak egingo dituen etxea: Antzibar S. A.

- Arkitektua: Pedro Fernández, arkitektua eta honen taldeko J. J. Zunda eta Bakarne Iturrioz.